2023 წლის 26 ივლისს, ქ. ზუგდიდში, სასტუმრო Grand Hotel-ში, ზუგდიდის მუნიციპალიტეტთან არსებული შშმ პირთა საკითხებზე მომუშავე საბჭოს წევრების სამუშაო შეხვედრა გაიმართა.
„საზოგადოება ბილიკის“ ხელმძღვანელმა მარიკა მღებრიშვილმა საბჭოს წევრებს პროექტის პრეზენტაცია წარუდგინა და შშმ პირთა დასაქმების ხელშეწყობის მიზნით შემუშავებულ რეკომენდაციები გააცნო.
შეხვედრის მონაწილეებმა სამუშაო ჯგუფებში მუშაობისას განიხილეს შშმ პირთა საკითხებზე მომუშავე ექსპერტების პროფესიული უნარ-ჩვევების გაძლიერების და საბჭოს ეფექტური მუშაობის საკითხები, შემდეგ დაგეგმეს სამომავლო ღონისძიებები და მოამზადეს ერთწლიანი სამოქმედო გეგმა შშმ პირთა დასაქმებისა და მხარდაჭერის მიმართულებით.
დასაქმების ხელშეწყობის სახელმწიფო სააგენტოს წარმომადგენლებმა დასაქმების ხელშეწყობის სახელმწოფო პროგრამებზე ისაუბრეს.
მუნიციპალიტეტთან არსებული შშმ პირთა საკითხებზე მომუშავე საბჭოს წევრთა სამუშაო შეხვედრა განხორციელდა პროექტის „დასაქმების ხელშეწყობა და შრომის პოლიტიკის ოპტიმიზაცია საქართველოში“ ფარგლებში, რომელსაც ახორციელებს ,,საზოგადოება ბილიკი“ და სლოვაკური ორგანიზაცია TENENET-ი, სლოვაკეთის საერთაშორისო თანამშრომლობის განვითრების სააგენტოს (Slovak Aid) ფინანსური მხარდაჭერით.
