ბავშვზე ზრუნვის პროგრამა ჩვენ ვქმნით ოჯახურ გარემოს მზრუნველობამოკლებული ბავშვებისთვის, რომლებზეაც ზრუნვა სხვა არსებული ალტერნატიული ფორმებით (ბიოლოგიურ ოჯახში დაბრუნება/ცხოვრება, მინდობით აღზრდა, შვილად აყვანა) მოცემული მომენტისათვის ვერ ხერხდება; აგრეთვე ვქმნით განვითარების ალტერნატიულ მომსახურებას იმ მზრუნველობამოკლებული ბავშვებისთვის, რომელთა ოჯახებიც დღის მანძილზე ვერ ახერხებენ ბავშვზე ჯეროვან მზრუნველობასა და ზედამხედველობას.

• პროგრამის მდგრადობის და მედეგობის გაძლიერება;
• ბენეფიციართა საჭიროებების უკეთ დაკმაყოფილება, მომსახურების ხარისხის გაუმჯობესების/ ახალი ტიპის მომსახურების შეთავაზებით.

ჩვენ ვზრდით ადგილობრივი თემის შესაძლებლობებს თემის წევრების კეთილდღეობის გაუმჯობესების მიზნით; მხარს ვუჭერთ ახალგაზრდებს, რათა უფრო აქტიურად ჩაერთონ ადგილობრივი ეკოსისტემის განვითარებაში, მიიღონ ცოდნა და განივითარონ უნარები შრომის ბაზრის მოთხოვნების შესაბამისად; ვაძლიერებთ სამოქალაქო საზოგადოებას რომ იყოს დამოუკიდებელი, მდგრადი, გამჭვირვალე და ანგარიშვალდებული.

• მოწყვლადი ჯგუფების (მათ შორის შშმ პირების) დასაქმების ადგილობრივი პოლიტიკის გაუმჯობესება;
• თემის საჭიროებებზე მორგებული მომსახურების შეთავაზება

სამოქალაქო განათლების კლუბების ფუნქციონირების და მათში ახალგაზრდების აქტიური ჩართვის მეშვეობით, აგრეთვე სამოქალაქო პროგრამების შემუშავებისა, და მასწავლებლებისა და მოსწავლეებისთვის მათი მიწოდების გზით ვზრდით სამოქალაქო ცნობიერებას მოზარდებსა და ახალგაზრდებში და ვეხმარებით მათ ჩამოყალიბდნენ აქტიურ მოქალაქეებად.

• სამოქალაქო განათლების პროგრამის გავლენის / შედეგების გაძლიერება;
• სამოქალაქო განათლების საგნის პოპულარიზაციის ხელშეწყობა.

ჩვენ მხარს ვუჭერთ მოხალისეობის კულტურის განვითარებას ქართველ და უცხოელ ახალგაზრდებში; სტაჟირებისა და სასწავლო პრაქტიკის პროგრამების შეთავაზებით, ვზრუნავთ ახალგაზრდების პროფესიულ განვითარებასა და სამუშაოდ აუცილებელი პრაქტიკული უნარ-ჩვევების გამომუშავებაზე

• მოხალისეობის პროგრამის შესაძლებლობების გაძლიერება ურთიერთსასარგებლო ურთიერთობების, გრძელვადიანი თანამშრომლობისა და წარმატებული პარტნიორობის მეშვეობით;
• მოხალისეობის კულტურის პოპულარიზაცია და თემის განვითარებაში მოხალისეთა აქტიური ჩართვა.