კორპორაციული სოციალური პასუხისმგებლობის განვითარება და მოწყვლადი ჯგუფების დასაქმების ხელშეწყობა

2023 წლის 22 ნოემბერს, „საზოგადოება ბილიკის“ ორგანიზებით რეგიონის ბიზნესის, სოციალური საწარმოების, სამთავრობო და არასამთავრობო ორგანიზაციების წარმომადგენლები შეიკრიბნენ   და სოციალური პასუხისმგებლობის განვითარების და მოწყვლადი ჯგუფების დასაქმების საკითხებზე იმსჯელეს.

პროექტის ფარგლებში განხორციელებული პრეზენტაციების, პანელური დისკუსიების, კერძო ბიზნესის წარმომადგენლების მიერ წარმატებული მაგალითების განხილვამ, სოციალური საწარმოების მუშაობის  და სლოვაკური გამოცდილების  გაზიარებამ, ცხადყო რაოდენ მნიშვნელოვანი და დროულია არასამთავრობო და ბიზნეს სექტორის თანამშრომლობა რეგიონში სოციალური პასუხისმგებლობის განვითარებისათვის, მოწყვლადი ჯგუფების დასაქმების ხელშეწყობის და რეგიონის ეკოსისტემის გამყარების მიზნით.

დისკუსიის მონაწილეებმა განიხილეს რა გამოწვევებს ხედავს ბიზნესი შშმ პირთა დასაქმების ხელშეწყობის მიმართულებით და როგორია დასაქმების ადგილობრივი ბაზარი მოწყვლადი ჯგუფებისთვის.

ნინო გიორგაძემ, კერძო ბიზნესისა და სოციალური საწარმოს ხელმძღვანელმა, რომელიც ასევე შეხვედრის პანელურ დისკუსიას უძღვებოდა, მონაწილეებს საკუთარი ბიზნესის ისტორია, სოციალური მეწარმეობის გამოცდილება და სლოვაკეთში სასწავლო ვიზიტის დროს მიღებული ინფორმაცია გაუზიარა.

საინტერესოდ წარიმართა ახალგაზრდა სტარტაპერების და სოციალური საწარმოების წარმომადგენლების გამოცდილების გაზიარება.  საკუთარ საქმიანობაზე ისაუბრეს: სოსო მეზვრიშვილმა, სოციალური კაფე ,,სფეისი“, ჯონდო ცერცვაძემ, სტარტაპერი „მწნილების მეფე“, ნინო ჩალაურმა, „ჩიკორი“ ჩირის საწარმო, ბადრი ციქუბაძემ,  საწარმო ,,ენლილი“, სოფიო ტუაევმა, სოციალური მეწარმე, და ივანე გოგლიძემ, შპს ,,კულა“.

შეხვედრის ამ ნაწილს ელენე ჩხეიძე, კორპორაციული სოციალური პასუხისმგებლობის ექსპერტი უძღვებოდა.

დისკუსიებში ასევე მონაწილეობდნენ: თაკო როდონაია, კორპორაციული კომუნიკაციების სპეციალისტი, მარიამ დევრისაშვილი, სოციალურ საწარმოთა ალიანსის წარმომადგენელი, ადგილობრივი ბიზნესის წარმომადგენელი ნინო სუხიტაშვილმა, კომპანია ,,ჰაიდელბერგ ცემენტის“ გარემოს დაცვის სპეციალისტმა, მარიამ გოგავამ, არასამთავრობო ორგანიზაცია  ,,კომლი“ და ნინო ლიპარტელიანი, ხაშურის მუნიციპალიტეტის საკრებულოს თავმჯდომარე, რომელმაც შშმ პირთა დასაქმების ხელშეწყობის მიმართულებით მუნიციპალიტეტში  არსებული პროგრამის შესახებ ისაუბრა.

დასასრულს მონაწილეებმა რეგიონში მოქმედ ბიზნესსა და სოციალურ მეწარმეებთან ადგილობრივი არასამთავრობო სექტორის თანამშრომლობის გაღრმავებას და სოციალური პასუხისმგებლობის შესახებ ცნობიერების ამაღლების მნიშვნელობას გაუსვეს ხაზი.

„საზოგადოება ბილიკი“ გეგმავს მსგავსი შეხვედრების ჩატარებას მარნეულში და ზუგდიდში.

შეხვედრა შიდა ქართლის ბიზნეს სექტორის წარმომადგენლებთან გაიმართა პროექტების „შშმ პირთა დასაქმების ხელშეწყობა და შრომის პოლიტიკის ოპტიმიზაცია საქართველოს შრომის ბაზარზე“ და „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები  საქართველოს განვითარებისთვის“ ფარგლებში. 

პროექტებს ახორციელებს „საზოგადოება ბილიკი“ Slovak Aid-ისა  და  კონრად ადენაუერის ფონდის ფინანსური მხარდაჭერით.

გააზიარეთ პოსტი:

უახლესი ამბები

უახლესი ამბები
ლელუკა მინდიაშვილი

2024 წლის 4 აპრილს, „საზოგადოება ბილიკისა“ და სლოვაკური ორგანიზაცია TENENET-ის ორგანიზებით გაიმართა კონფერენცია შშმ პირთა დასაქმების ხელშეწყობის საკითხებზე.

კონფერენცია გახსნა  „საზოგადოება ბილიკის“ ხელმძღვანელმა მარიკა მღებრიშვილმა. მონაწილეებს მიესალმა მარსელა ჰაჯთმანკოვა სლოვაკეთიდან, მან პროექტის წარმატებულ განხორციელებას და  შშმ პირთა საკითხებზე

მეტის ნახვა »
უახლესი ამბები
Admin1997

2024 წლის 4 მარტს, ქ. ზუგდიდში რეგიონის ბიზნესის წარმომადგენლებთან სამუშაო შეხვედრა გაიმართა

📢2024 წლის 4 მარტს, ქ. ზუგდიდში, სასტუმრო ,,ლეთო”-ში „საზოგადოება ბილიკის“ ორგანიზებით გაიმართა რეგიონის ბიზნესის წარმომადგენლებთანსამუშაო შეხვედრა- სოციალური პასუხისმგებლობის განვითარების და

მეტის ნახვა »
უახლესი ამბები
ლელუკა მინდიაშვილი

2024 წლის 23 თებერვალს, მარნეულის დემოკრატიული ჩართულობის ცენტრში, „საზოგადოება ბილიკის“ ორგანიზებით რეგიონის ბიზნესის წარმომადგენლებთან შეხვედრა გაიმართა

შეხვედრის მონაწილეებმა სოციალური პასუხისმგებლობის განვითარების და მოწყვლადი ჯგუფების დასაქმების საკითხებზე იმსჯელეს. პროექტის ფარგლებში განხორციელებული საქმიანობის პრეზენტაცია “საზოგადოება ბილიკის” ხელმძღვანელმა მარიკა

მეტის ნახვა »
Skip to content