“საზოგადოება ბილიკის“ მშობელთა კლუბი – მნიშვნელოვანი შეხვედრები გორსა და ხაშურში

„საზოგადოება ბილიკის“ ბავშვთა და მოზარდთა განვითარების ცენტრებში, გორსა და ხაშურში, 19 და 26 დეკემბერს „მშობელთა კლუბის“ ფარგლებში გაიმართა შეხვედრები თემაზე — „კვებითი სირთულეები ბავშვთა ასაკში“.

შეხვედრებს უძღვებოდა მარი წკრიალაშვილი — კლინიკური ფსიქოლოგი და ადრეული განვითარების პროგრამის სუპერვიზორი.

შეხვედრის განმავლობაში განხილული იყო ბავშვთა კვებასთან დაკავშირებული მნიშვნელოვანი საკითხები, მათ შორის:

▪︎ რატომ ამბობს ბავშვი უარს საკვებზე;

▪︎ როდის არის ეს ასაკობრივი განვითარების ნაწილი და როდის საჭიროებს დამატებით ყურადღებას;

▪︎ როგორ დავეხმაროთ ბავშვს ზეწოლის გარეშე და შევინარჩუნოთ ჯანსაღი ემოციური გარემო;

შეხვედრები ინტერაქტიულ ფორმატში წარიმართა — მშობლებმა ისაუბრეს საკუთარ გამოცდილებებზე,

ერთმანეთს გაუზიარეს პრაქტიკული რჩევები და მიიღეს კვალიფიციური, პროფესიონალური პასუხები მათთვის მნიშვნელოვან კითხვებზე.

„საზოგადოება ბილიკი“ აგრძელებს მშობლების მხარდაჭერასა და მათ გაძლიერებაზე ორიენტირებულ საქმიანობას.