ააიპ „საზოგადოება ბილიკსა“ და მედიქალ ვორლდის ლაბორატორიას შორის ურთიერთთანამშრომლობის მემორანდუმი გაფორმდა, რაც მნიშვნელოვანი ნაბიჯია როგორც თანამშრომელთა, ასევე ბენეფიციართა კეთილდღეობისა და მხარდაჭერის მიმართულებით.
მემორანდუმის ფარგლებში, სოციალური პასუხისმგებლობის პრინციპებზე დაყრდნობით, ლაბორატორია „საზოგადოება ბილიკის“ თანამშრომლებისთვის და ბენეფიციარებისთვის აწესებს სპეციალურ ფასდაკლებას კლინიკურ-ლაბორატორიულ კვლევებზე. მომსახურება ხელმისაწვდომია როგორც ლაბორატორიაში ვიზიტისას, ასევე ბინაზე გამოძახების სერვისის საშუალებით.
ამასთან „საზოგადოება ბილიკი“ და მედიქალ ვორლდის ლაბორატორია ურთიერთშეთანხმებით განახორციელებენ სხვადასხვა მარკეტინგულ აქტივობას. თანამშრომლობა მოიცავს ერთობლივ კამპანიებს სოციალურ ქსელებში.
აღნიშნული პარტნიორობა წარმოადგენს მნიშვნელოვან ბენეფიტს „საზოგადოება ბილიკის“ თანამშრომლებისთვის და ბენეფიციარებისათვის და კიდევ ერთხელ უსვამს ხაზს ორგანიზაციის ზრუნვას საკუთარ გუნდზე.
