2024 წლის 4 აპრილს, „საზოგადოება ბილიკისა“ და სლოვაკური ორგანიზაცია TENENET-ის ორგანიზებით გაიმართა კონფერენცია შშმ პირთა დასაქმების ხელშეწყობის საკითხებზე.

კონფერენცია გახსნა  „საზოგადოება ბილიკის“ ხელმძღვანელმა მარიკა მღებრიშვილმა. მონაწილეებს მიესალმა მარსელა ჰაჯთმანკოვა სლოვაკეთიდან, მან პროექტის წარმატებულ განხორციელებას და  შშმ პირთა საკითხებზე გამართულ დისკუსიების მნიშვნელობას  გაუსვა ხაზი.

მარიკა მღებრიშვილმა, პროექტის პრეზენტაცია  და პროექტის ფარგლებში შშმ პირების ჩართულობით გადაღებული ვიდეოები წარუდგინა მოწვეულ სტუმრებს.

კონფერენციის მონაწილეები ასევე გაეცნენ  სლოვაკელი პარტნიორების გამოცდილებას. სლოვაკეთიდან კონფერენციის მუშაობაში მონაწილეობის მისაღებად ჩამოსულმა პარტნიორებმა  ელენა კოფცოვამ,  და მარტინ მნაჰონჩაკმა შშმ პირთა დასაქმების პოლიტიკა და საუკეთესო გამოცდილება გაუზიარეს მონაწილეებს.

საინტერესოდ წარიმართა პანელური დისკუსიები, რომლის მონაწილეებმა იმსჯელეს შშმ პირთა დასაქმების მხრივ არსებულ გამოწვევებსა და წარმატებებზე, პროექტში ჩართულ მუნიციპალიტეტებში მოქმედი შშმ პირთა საბჭოების საქმიანობაზე.

ანა ბაქრაძემ „ქართლის ამბები“ ჟურნალისტმა მოამზადა ვიდეო სადაც შშმ პირები თვითონ საუბრობენ ადგილობრივი მედიის როლზე შშმ პირთა საკითხების ადვოკატირებისა  და საზოგადოების ცნობიერების ამაღლების მნიშვნელობაზე.

ბიზნესის,  კერძოდ ჰიპერმარკეტი „კარფურის“ წარმომადგენელმა ნათია  უხურგუნაშვილმა  შშმ პირთა დასაქმების გამოცდილება გაუზიარა მონაწილეებს.

კონფერენციის მუშაობაში მონაწილეობა მიიღეს შშმ პირთა საკითხებზე მომუშავე სამთავრობო და არასამთავრობო ორგანიზაციების, დასაქმების ხელშეწყობის სახელმწიფო სააგენტოს, ბიზნესისა და მედიის წარმომადგენლებმა.

კონფერენცია გაიმართა პროექტის „შშმ პირთა დასაქმების ხელშეწყობა და შრომის პოლიტიკის ოპტიმიზაცია საქართველოს შრომის ბაზარზე 2“, რომელსაც ახორციელებენ „საზოგადოება ბილიკი“ და სლოვაკური ორგანიზაცია TENENET-ი Slovak Aid-ის ფინანსური მხარდაჭერით.

გააზიარეთ პოსტი:

უახლესი ამბები

უახლესი ამბები
ლელუკა მინდიაშვილი

ფლეშ მობი მარნეულში

2024 წლის 21 მაისს, ქ. მარნეულის #1 აზერბაიჯანულენოვანი საჯარო სკოლის უფროსკლასელები, შშმ პირთა საზოგადოებაში ინტეგრირების მიზნით გამართულ საინფორმაციო კამპანიას შეუერთდნენ

მეტის ნახვა »
უახლესი ამბები
ლელუკა მინდიაშვილი

ფლეშმობი ზუგდიდში

2024 წლის 15 მაისს, ზუგდიდის სავაჭრო ცენტრში „ზუგდიდი მოლი“, შშმ პირთა დასაქმების ხელშეწყობის კამპანიის ფარგლებში, ფლეშმობი გაიმართა. კამპანიის მიზანი შშმ

მეტის ნახვა »
უახლესი ამბები
ლელუკა მინდიაშვილი

USAID-ის სამოქალაქო განათლების პროგრამის 2023-2024 სასწავლო წლის შემაჯამებელი ღონისძიება

2024 წლის 14 მაისს, ხაშურში, USAID-ის სამოქალაქო განათლების პროგრამის 2023-2024 სასწავლო წლის შემაჯამებელი ღონისძიება გაიმართა. შეხვედრაზე მოწვეულ სტუმრებს მიესალმა USAID

მეტის ნახვა »
Skip to content