ინგლისური ენის ხელმისაწვდომობის ორწლიანი სასტიპენდიო პროგრამა (Access) წარმატებით დასრულდა

700078453_1956268965053957_7691613683241923320_n

2011 წლიდან ორგანიზაცია „საზოგადოება ბილიკი“ აქტიურად არის ჩართული ინგლისური ენის ხელმისაწვდომობის სასტიპენდიო პროგრამაში (Access) და ამ წლების განმავლობაში ასობით წარმატებული ახალგაზრდა აღზარდა.

დღეს კიდევ ერთი თაობა გვემშვიდობება – მოსწავლეებმა წარმატებით დაასრულეს ინგლისური ენის ორწლიანი პროგრამა და ერთად აღნიშნეს ეს მნიშვნელოვანი მიღწევა. გვჯერა, რომ დღევანდელი კურსდამთავრებულებიც უამრავ სიახლესა და პოზიტიურ ცვლილებას შეიტანენ საკუთარ ცხოვრებაში.

პროგრამის ფარგლებში გაიმართა ხუთდღიანი საზაფხულო სკოლა, რომელმაც მონაწილეებს მისცა შესაძლებლობა, შეეჯამებინათ ორწლიანი სასწავლო კურსი, მონაწილეობა მიეღოთ სახალისო და ინტერაქტიულ აქტივობებში, გაეძლიერებინათ კომუნიკაციისა და ლიდერობის უნარები და კიდევ უფრო მეტად გაცნობოდნენ ამერიკულ კულტურასა და ტრადიციებს.

მრავალფეროვანი აქტივობებით, საინტერესო შეხვედრებითა და გუნდური მუშაობით დატვირთული დღეები სერტიფიკატების გადაცემის საზეიმო ღონისძიებით დასრულდა.

ინგლისური ენის ხელმისაწვდომობის სასტიპენდიო პროგრამა საქართველოში ხორციელდება ამერიკული ორგანიზაციის PH International-ის მიერ, ამერიკის შეერთებული შტატების საელჩოს ფინანსური მხარდაჭერით. შიდა ქართლში პროგრამის პარტნიორი ორგანიზაციაა „საზოგადოება ბილიკი“.

განსაკუთრებულ მადლობას ვუხდით პროგრამის პედაგოგებსა და ჩვენს პარტნიორს – PH International (Project Harmony)-ს, რომელთა მხარდაჭერით ეს წარმატება შესაძლებელი გახდა.

ვულოცავთ ჩვენს კურსდამთავრებულებს ამ მნიშვნელოვან წარმატებას და იმედს გამოვთქვამთ, რომ სექტემბრიდან კვლავ გვექნება შესაძლებლობა, მივიღოთ ახალი ჯგუფი, რომელიც მომდევნო ორ წელიწადს ცოდნისა და განვითარების გზაზე გაატარებს.

გააზიარეთ პოსტი:

უახლესი ამბები

904236995_122233603220498639_2911086301706727492_n
Uncategorized
საზოგადოება ბილიკი

 „ორგანიზაციის პულსის“ გამარჯვებულები გამოვლინდნენ!

“საქართველოს ბანკისა” და “მეთოდოს” ერთობლივი ინიციატივის ფარგლებში გამოვლინდნენ გამარჯვებული კომპანიები, რომლებიც ორგანიზაციული კლიმატისა და თანამშრომელთა ჩართულობის კვლევის 100%-იან დაფინანსებას მიიღებენ.

მეტის ნახვა »
CSA_1
Uncategorized
საზოგადოება ბილიკი

„საზოგადოება ბილიკი“ — ახალი ცოდნა და გამოცდილება ორგანიზაციული განვითარებისთვის

2026 წლის 27–30 ოქტომბერს „საზოგადოება ბილიკის“ წარმომადგენელმა მონაწილეობა მიიღო Civil Society Academy International-ის მიერ ორგანიზებულ ოთხდღიან საერთაშორისო ონლაინტრენინგში — „ფონდების

მეტის ნახვა »
კონდერენცია
Uncategorized
საზოგადოება ბილიკი

კონფერენცია: „ერთი წლის გამოცდილება — მიღწევები, გამოწვევები და განვითარების ხედვა“

23–24 ოქტომბერს “საზოგადოება ბილიკმა“ შიდა პროფესიული კონფერენცია: „ერთი წლის გამოცდილება — მიღწევები, გამოწვევები და განვითარების ხედვა“ გამართა, რომელშიც გორისა და

მეტის ნახვა »
Skip to content