9 მაისს „საზოგადოება ბილიკის“ ახალგაზრდები თბილისში, ექსპო ჯორჯიაში ევროპის დღისადმი მიძღვნილ ღონისძიებას დაესწრნენ.
დაათვალიერეს ინტერაქტიული და მრავალფეროვანი სივრცეები, რომლებიც ევროკავშირის წევრი ქვეყნების კულტურას, ინოვაციებსა და გამოგონებებს ეძღვნებოდა. გაეცნენ ევროკავშირსა და საქართველოს შორის პარტნიორობის 30-წლიან ისტორიას, განხორციელებულ პროექტებსა და მნიშვნელოვან ინიციატივებს.
ახალგაზრდები შეუერთდნენ „მწვანე კუთხეს“ და შეისწავლეს პრაქტიკული გზები, როგორ გამოყენონ, აღადგინონ და განაახლონ ყოველდღიური ნივთები. შეხვდნენ სხვადასხვა პროფესიის ადამიანებს, ხელოვნებს, მეწარმეებს, დაათვალიერეს მათი ნამუშევრების გამოფენები.
ახალგაზრდები აქტიურად ჩაერთნენ სახალისო თამაშებში, შემოქმედებით ვორქშოპებში, ინტერაქტიულ ინსტალაციებსა და მრავალფეროვან აქტივობებში.
დღე უამრავი სამახსოვრო ფოტოთი, ახალი გამოცდილებითა და დადებითი ემოციებით დასრულდა.
