2024 წლის 14 მაისს, ხაშურში, USAID-ის სამოქალაქო განათლების პროგრამის 2023-2024 სასწავლო წლის შემაჯამებელი ღონისძიება გაიმართა.
შეხვედრაზე მოწვეულ სტუმრებს მიესალმა USAID -ის სამოქალაქო განათლების პროგრამის პარტნიორული ქსელის მენეჯერი თამარ ფრუიძე.
„საზოგადოება ბილიკის“ წარმომადგენელმა ლია გორელიშვილმა პროგრამის ერთი წლის შედეგები შეაჯამა.
პარტნიორი სკოლების ხაშურის #6, ხაშურის #8, გორის #9, სოფლების ბებნისის და საღოლაშენის სკოლის მოსწავლეებმა კი წარმატებული სამოქალაქო კლუბის, მოსწავლეთა თვითმმართველობის, მცირე საგრანტო პროექტების და კერძო სექტორთან თანამშრომლობის შესახებ გააკეთეს პრეზენტაციები.
გორის #12 და სოფელ ხიდისთავის სკოლის მოსწავლეებმა ცოდნის გაზიარების კომპონენტის ფარგლებში დამეგობრებულ სკოლებთან ერთად განხორციელებული პროექტები წარმოადგინეს და მიღებულ გამოცდილებაზე ისაუბრეს.
სურამის #3 სკოლის მოსწავლეებმა წარმოადგინეს თოჯინების სპექტალი „ეზოს ოპერა“.
სამოქალაქო განათლების პედაგოგთა ეროვნული ფორუმის რეგიონალურმა კოორდინატორმა ლელა წურწუმიამ ისაუბრა პედაგოგებისთვის შეთავაზებული რესურსისა და დაგეგმილი აქტივობების შესახებ.
ღონისძიების ბოლოს ქ-ნმა თამარ ფრუიძემ ტექნიკის კონკურსში გამარჯვებული სკოლები დააჯილდოვა.
გორის საგანმანათლებლო რესურსცენტრის ხელმძღვანელმა ნანა ტერმაკოზაშვილმა წლის ლიდერ სკოლებს მიულოცა გამარჯვება, მოსწავლეებსა და მასწავლებლებს წარმატებები უსურვა.
სამახსოვრო სიგელებით და პრიზებით დაჯილდოვდნენ მოსწავლეები, რომლებმაც წარმატებით გაიარეს სტაჟირების პროგრამა და პროგრამის ფარგლებში განხორციელებულ კამპანებში და კონკურსებში აქტიური მონაწილეობა მიიღეს.
ხაშურში გამართულ ღონისძიებას ესწრებოდნენ პროგრამის პარტნიორი შიდა ქართლის სკოლების დირექტორები, პედაგოგები, მოსწავლეები და მათი მხარდამჭერები.
USAID-ის სამოქალაქო განათლების პროგრამა ხორციელდება PH International – საქართველოს მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. შიდა ქართლის რეგიონში პროგრამის პარტნიორია „საზოგადოება ბილიკი“.
